март
с:станишлевиќ милена

г:години:17
п:професија/интереси: средно школо-гимназија... би сакала да се занимавам со филмска режија... или фотографија... visuals...:)
д:досега објавено: во училишни весници
н:нешто за себе: дишам


и:инсекти

  Мравките ги има во полињата, шумите и на многу други места. Понекогаш има мравки и во кујната затоа што наоѓаат остатоци од ручекот.
  Пеперутките летаат насекаде и сакаат убави и шарени работи. Дома немам пеперутки.
  Пајаците плетат пајажини на запуштени места каде што не оди никој. Пајаци има во училишната библиотека.
  Мувите се лепат на измет, сакаат нечистотии и материи во фаза на распаѓање. Муви ми лазат по телевизорот. Благодарение на нив, веќе не гледам телевизија, а ТВ приемникот го сместив во полското ВЦ.
  Мувите се многу интелигентни суштества.




м:можности

  Како е можно толку работи на светов да бидат толку многу можни? Дури и ако невозможното би се скарало со неговиот префикс, изневерувајќи го со суперлативот, би станало највозможно, но сепак не би било толку возможно, како самото можно.
  Од сите можни работи, пишувам невозможен текст, чиешто можно е овозможено токму од постоечкиот читател, чија улога е помалку можна од онаа на непостоечкиот читател.
  Ако можното можете да го видите во секоја невозможна ситуација, тогаш се намалуваат можностите тоа да стане навистина можно.
  Светот би бил досаден ако си допуштите премногу можни работи.