април
б:бејковски зоран

bejko.atspace.com

 

3:3 х Расказ

На мачките им пораснаа челични нокти за полесно да се качуваат по контејнери. Кучињата се престорија во луѓе,само така може да ловат. Некои луѓе склучија договор со мачките: Пред да фрлаат ѓубре, луѓето треба љубезно да ги замолат мачките да го напуштат контејнерот. Но, кучињата не го почитуваат договорот...
Малите деца плачат кога им ги сечат ноктите, некои се качуваат по контејнери. Сите се немирни, невоспитани, лоши, валкани, погани усти и расипани заби - не(мојте да) ги гризете ноктите!!! Ако, ќе им помини... Некои деца буричкаат во носот, некои се
фаќаат на местата “за срамота”, некои ги јадат моливите, некои се чкртаат по рацете, некои ќе пораснат, ќе се претворат во поголеми дечиња, детенца,... А некои не... Заклучок: нема да има луѓе. Поука: нема.
Си бил еднаш еден цар, мнооооогу бил лош, од лош полош. Си имал тој царо едни лавој... А, некој му проговорел нешто или да го опулел вупреку, одма царо го фрлал на лавојте. Толку лош бил шо сите од царството почнал да ги фрла... Арно ама, еднаш на лавојте им се присакало да прикаснат нешто слатко-благо и почнале да си прат муабет и на некој му се збоктисало од јадење месо и им рекол на другите да станат вегетарјанци... Така започнал големи(ј)о лавовски штрајк... А царо, видел не видел, ...не знаел шо да прај.